2023ലെ ഏഷ്യൻ ഗെയിംസിൽ ഇന്ത്യക്ക് ഒരു മെഡൽ കൂടെ. ഐഎൽസിഎ 7 ഇനത്തിൽ ഇന്ത്യൻ നാവികനായ വിഷ്ണു ശരവണൻ വെങ്കല മെഡൽ നേടി. നെറ്റ് സ്‌കോറായ 34ൽ വിഷ്ണു ഫിനിഷ് ചെയ്തു. സിംഗപ്പൂരിന്റെ ലോ ജുൻ ഹാൻ റയാൻ 26 പോയിന്റോടെ സ്വർണം നേടി. കൊറിയയുടെ ഹാ ജീമിൻ വെള്ളിയും നേടി.
തമിഴ്നാട്ടിലെ വെല്ലൂരിൽ ജനിച്ച ശരവണൻ ജൂനിയർ ദേശീയ ഇവന്റുകളിൽ ഒന്നിലധികം മെഡലുകൾ മുമ്പ് നേടിയിട്ടുണ്ട്. 2016 ൽ യൂത്ത് നാഷണൽ ചാമ്പ്യനായി. 2017 മുതൽ ഇന്ത്യൻ ആർമിയിൽ വിഷ്ണു ഉണ്ട്. 2019 ൽ, ക്രൊയേഷ്യയിൽ നടന്ന അണ്ടർ 21 ലോക ചാമ്പ്യൻഷിപ്പിലും വിഷ്ണു വെങ്കല മെഡൽ നേടിയിരുന്നു.
