മുന്‍ അഫ്ഗാന്‍ വനിത താരം ഐഒസിയിലേക്ക് തിരഞ്ഞെടുക്കപ്പെട്ടു

Sports Correspondent

Download the Fanport app now!
Appstore Badge
Google Play Badge 1

അഫ്ഗാനിസ്ഥാന്റെ മുന്‍ വനിത ബാസ്കറ്റ്ബോള്‍ താരം 24 വയസ്സുകാരി സമീറ അസ്ഗാരി അന്താരാഷ്ട്ര ഒളിമ്പിക് കമ്മിറ്റിയിലേക്ക് തിരഞ്ഞെടുക്കപ്പെട്ടു. ഐഒസിയിലേക്ക് തിരഞ്ഞെടുക്കപ്പെടുന്ന ഏറ്റവും പ്രായം കുറഞ്ഞ താരമാണ് സമീറ. ഏഷ്യന്‍ സോണില്‍ നിന്നുള്ള പ്രതിനിധിയായാണ് ഈ അഫ്ഗാനിസ്ഥാന്‍കാരി എത്തുന്നത്.

കഴിഞ്ഞ ജൂലായില്‍ ഐഒസിയിലേക്ക് തിരഞ്ഞെടുക്കപ്പെടുവാനായി നിര്‍ദ്ദേശിക്കപ്പെട്ട 9 നാമനിര്‍ദ്ദേശങ്ങളില്‍ ഒരാളായി അസ്ഗാരി ഇടം പിടിച്ചിരുന്നു. വോട്ടെടുപ്പിലൂടെ അഞ്ച് പേരെയാണ് തിരഞ്ഞെടുക്കുവാന്‍ തീരുമാനിച്ചിരുന്നത്. കൂടുതല്‍ വനിത പ്രാതിനിധ്യം ഉറപ്പാക്കുക എന്ന അന്താരാഷ്ട്ര ഒളിമ്പിക് കമ്മിറ്റിയുടെ നയത്തിന്റെ ഭാഗമായിക്കൂടിയാണ് ഈ തിരഞ്ഞെടുപ്പ്.