പാരീസ് ഒളിമ്പിക്‌സ് 2024-ലെ പുരുഷ ഡബിൾസിൽ ഇന്ത്യക്ക് ആയി രോഹൻ ബൊപ്പണ്ണയും എൻ ശ്രീറാം ബാലാജിയും ജോഡി ആകും എന്ന് ഓൾ ഇന്ത്യ ടെന്നീസ് അസോസിയേഷൻ പ്രഖ്യാപിച്ചു. ലോക റാങ്കിങ്ങിൽ നാലാം സ്ഥാനത്തുള്ള ബൊപ്പണ്ണയ്ക്ക് തൻ്റെ ജോഡിയെ തിരഞ്ഞെടുക്കാൻ അനുമതി ലഭിച്ചു. നിലവിൽ ലോക റാങ്കിങ്ങിൽ 67-ാം സ്ഥാനത്തുള്ള താരമാണ് ശ്രീറാം ബാലാജി.
കോച്ച് ബാലചന്ദ്രൻ മാണിക്കത്ത്, ഫിസിയോ റബേക്ക വി.ഓർഷേഗൻ എന്നിവർ ആകും കോച്ചിംഗ് ടീം. ബൊപ്പണ്ണയും ബാലാജിയും അടുത്തിടെ ഫ്രഞ്ച് ഓപ്പൺ 2024-ൽ പരസ്പരം എറ്റുമുട്ടിയിരുന്നു. അന്ന് ബൊപ്പണ്ണയും അദ്ദേഹത്തിൻ്റെ ഓസ്‌ട്രേലിയൻ പങ്കാളി മാത്യു എബ്ഡനും ബാലാജി-മിഗ്വൽ സഖ്യത്തെ 3 സെറ്റ് നീണ്ട ഏറ്റുമുട്ടലിൽ പരാജയപ്പെടുത്തിയിരുന്നു.
