ഇന്ത്യയുടെ ഷൂട്ടിങ് താരം മനു ഭാകർ ഒരു മെഡലിലേക്ക് കൂടെ അടുക്കുകയാണ്‌. ഇന്ന് 25 മീറ്റർ പിസ്റ്റൾ റാപിഡിൽ മനു ഭാകർ ഫൈനലിന് യോഗ്യത നേടി. അത്ഭുതകരമായ പ്രകടനം യോഗ്യത റൗണ്ടിൽ കാഴ്ചവെച്ച മനു ഭാകർ രണ്ടാം സ്ഥാനത്ത് ഫിനിഷ് ചെയ്തു. യോഗ്യത റൗണ്ടിലെ ആദ്യ 8 സ്ഥാനക്കാർക്ക് ആണ് ഫൈനലിൽ എത്താൻ ആവുക. 590 പോയിന്റുമായാണ് മനു ഭാകർ യോഗ്യത റൗണ്ടിൽ ഫിനിഷ് ചെയ്തത്.
ഇന്ത്യയുടെ മറ്റൊരു ഷൂട്ടർ ആയ ഇഷ സിംഗ് ഇതേ ഇനത്തിൽ 18ആം സ്ഥാനത്ത് ഫിനിഷ് ചെയ്തു. ഇഷയ്ക്ക് ഫൈനലിന് യോഗ്യത നേടാൻ ആയില്ല. മനു ഭാകർ ഇതിനകം 10 മീറ്റർ വ്യക്തിഗത ഇനത്തിലും ടീം ഇനത്തിലും ഇന്ത്യക്ക് ആയി പാരീസിൽ മെഡൽ നേടി നൽകിയിരുന്നു. നാളെ ഉച്ചയ്ക്ക് 1 മണിക്ക് ആകും ഫൈനൽ നടക്കുക.
