വിന്റർ ഒളിമ്പിക്സിൽ ഇന്ത്യയുടെ ഏക പങ്കാളിയായ ആൽപൈൻ സ്കീയർ ആരിഫ് ഖാൻ ബുധനാഴ്ച നടന്ന പുരുഷന്മാരുടെ സ്ലാലോം ഇനത്തിൽ ആദ്യ റൺ ഫിനിഷ് ചെയ്യാനായില്ല. ഞായറാഴ്ച നടന്ന ജയന്റ് സ്ലാലോം ഇനത്തിൽ 45-ാം സ്ഥാനത്തെത്തിയ ജമ്മു കശ്മീരിലെ ബാരാമുള്ള ജില്ലയിൽ നിന്നുള്ള 31-കാരന് പക്ഷെ പുരുഷ സ്ലാലോമിൽ യാങ്കിംഗ് നാഷണൽ ആൽപൈൻ സ്കീയിംഗ് സെന്ററിൽ റൺ 1 പൂർത്തിയാക്കാൻ കഴിഞ്ഞില്ല. ഇതോടെ ഇന്ത്യയുടെ വിന്റർ ഒളിമ്പിക്സ് പങ്കാളിത്തം അവസാനിച്ചു.
വിന്റർ ഒളിമ്പിക്സിൽ അരങ്ങേറ്റം കുറിച്ച ഖാന് റൺ 1 പൂർത്തിയാക്കാൻ കഴിയാത്തതിനാൽ, പുരുഷ സ്ലാലോം ഇനത്തിന്റെ രണ്ടാം റണ്ണിൽ അദ്ദേഹം മത്സരിക്കില്ല. ഇന്നലെ ആദ്യ റണിൽ പങ്കെഅറ്റുത്ത 88 സ്റ്റാർട്ടർമാരിൽ 52 പേർ മാത്രമാണ് ആദ്യ റൺ പൂർത്തിയാക്കിയത്.
