ധോണിയുടെ 3 സിക്സുകൾ ആണ് 2 ടീമും തമ്മിലുള്ള വ്യത്യാസം ആയത് എന്ന് റുതുരാജ്

ഇന്ന് മുംബൈ ഇന്ത്യൻസിന് എതിരെ നിർണായകമായത് എം എസ് ധോണിയുടെ ഇന്നിങ്സ് ആണ് എന്ന് ചെന്നൈ സൂപ്പർ കിംഗ്സ് ക്യാപ്റ്റൻ റുതുരാജ്. ഇന്ന് മുംബൈ ഇന്ത്യൻസിന് എതിരെ അവസാനം ഇറങ്ങിയ ധോണി 4 പന്തിൽ നിന്ന് 20 റൺസ് എടുത്തിരുന്നു. ഹാർദികിനെ ഹാട്രിക്ക് സിക്സ് ആണ് ധോണി അടിച്ചത്. അവസാനം 20 റൺസിന്റെ വിജയം തന്നെയാണ് സി എസ് കെ സ്വന്തമാക്കിയതും.

ഇന്ന് മത്സര ശേഷം സംസാരിച്ച റുതുരാജ് തങ്ങളുടെ യുവ വിക്കറ്റ് കീപ്പർ വന്ന് ഹാട്രിക്ക് സിക്സ് അടിച്ചതാണ് കളിയിൽ നിർണായകമായത് എന്ന് ധോണിയെ കുറിച്ച് പറഞ്ഞു. “ഞങ്ങളുടെ യുവകീപ്പർ വന്ന് 3 സിക്സുകൾ തുടർച്ചയായി അടിച്ചു. മത്സരത്തിന്റെ അവസാനം അതു തന്നെയായി കളിയിലെ ഇരു ടീമുകളും തമ്മിലുള്ള വ്യത്യാസം” റുതുരാജ് പറഞ്ഞു.

ബുമ്ര നന്നയി ബൗൾ ചെയ്തിട്ടും 200നു മുകളിൽ സ്കോർ കണ്ടെത്താൻ ഞങ്ങൾക്ക് ആയത് രണ്ടാം ഇന്നിങ്സിൽ സ്കോർ ഡിഫൻഡ് ചെയ്യാൻ ആത്മവിശ്വാസം നൽകി എന്നും റുതുരാജ് പറഞ്ഞു.