തുടര്‍ച്ചയായ രണ്ടാമത്തെ ഒളിമ്പിക്സിനും യോഗ്യത നേടാനാകാതെ പാക്കിസ്ഥാന്‍. ഇന്ന് നെതര്‍ലാണ്ട്സിനെതിരെയുള്ള മത്സരത്തില്‍ 6-1ന്റെ പരാജയം ഏറ്റുവാങ്ങിയാണ് ടീമിന് തിരിച്ചടിയായത്. 2012 ലണ്ടന്‍ ഒളിമ്പിക്സിലാണ് പാക്കിസ്ഥാന്‍ അവസാനമായി കളിച്ചത്. ഇന്നലെ നടന്ന ആവേശകരമായ മത്സരത്തില്‍ പാക്കിസ്ഥാനും നെതര്‍ലാണ്ട്സും നാല് വീതം ഗോള്‍ നേടി ആദ്യ മത്സരത്തില്‍ സമനിലയില്‍ പിരിഞ്ഞിരുന്നു.
ആദ്യ ഗോള്‍ നേടിയ പാക്കിസ്ഥാനെതിരെ രണ്ട് ഗോള്‍ നേടി നെതര്‍ലാണ്ട്സ് ലീഡ് നേടിയെങ്കിലും പിന്നീട് പാക്കിസ്ഥാന്‍ മത്സരത്തില്‍ ലീഡ് നേടിയെങ്കിലും നെതര്‍ലാണ്ട്സ് മത്സരം സമനിലയിലാക്കി. 10-5 എന്ന അഗ്രഗേറ്റ് സ്കോറിലാണ് നെതര്‍ലാണ്ട്സ് ഒളിമ്പിക്സ് യോഗ്യത ഉറപ്പാക്കിയത്.
