ഇന്ത്യൻ വനിതാ ഹോക്കി ടീം ഡിഫൻഡറും പെനാൽറ്റി കോർണർ സ്പെഷ്യലിസ്റ്റുമായ ദീപ് ഗ്രേസ് എക്ക വിരമിക്കൽ പ്രഖ്യാപിച്ചു. രണ്ട് ഒളിമ്പിക്സുകളിൽ ഇന്ത്യയെ പ്രതിനിധീകരിച്ചിട്ടുള്ള താരമാണ്.2016ലെ റിയോ ഒളിമ്പിക്സിന് ഇന്ത്യ യോഗ്യത നേടുന്നതിൽ ഈ 29കാരി നിർണായക പങ്കുവഹിച്ചിരുന്നു ഇന്ത്യ നാലാമതായി ഫിനിഷ് ചെയ്ത ടോക്കിയോ ഗെയിംസിൽ ടീമിൻ്റെ പ്രതിരോധ നിരയിലെ സുപ്രധാന താരവുമായിരുന്നു.
2022ലെ ബർമിംഗ്ഹാം കോമൺവെൽത്ത് ഗെയിംസിൽ വെങ്കലം നേടിയ ഇന്ത്യൻ ടീമിലും ഗ്രേസ് അംഗമായിരുന്നു. 2014, 2018 ഏഷ്യൻ ഗെയിംസുകളിൽ മെഡൽ നേടിയ ഇന്ത്യൻ ടീമുകളെ പ്രതിനിധീകരിച്ചു.2016 വനിതാ ഏഷ്യൻ ചാമ്പ്യൻസ് ട്രോഫിയിലും 2017 ഏഷ്യാ കപ്പിലും കിരീടം നേടിയ ഇന്ത്യൻ ടീമുകളിലും അവർ അംഗമായിരുന്നു.
2011ൽ അർജൻ്റീനയിൽ നടന്ന ചതുര് രാഷ്ട്ര ടൂർണമെൻ്റിൽ ആണ് ഇന്ത്യക്കായി അരങ്ങേറ്റം കുറിച്ചത്.
