സീസണിലെ അവസാന ഗ്രാന്റ് പ്രീ ആയ അബുദാബി ഗ്രാന്റ് പ്രീയിലും ജയം കണ്ടു റെഡ് ബുൾ ബുള്ളിന്റെ ലോക ചാമ്പ്യൻ മാക്സ് വെർസ്റ്റാപ്പൻ. പോൾ പൊസിഷൻ ആയി റേസ് തുടങ്ങിയ മുതൽ അവസാനം വരെ ആധിപത്യം പുലർത്തിയ ഡച്ച് ഡ്രൈവർ 2022 ലെ 15 മത്തെ റേസ് ജയം ആണ് സ്വന്തമാക്കിയത്. എന്നാൽ സീസണിൽ രണ്ടാം സ്ഥാനത്ത് എത്താനുള്ള റെഡ് ബുള്ളിന്റെ സെർജിയോ പെരസിന്റെ ശ്രമം ഫെറാറിയുടെ ചാൾസ് ലെക്ലെർക് തടഞ്ഞു. അബുദാബിയിലും രണ്ടാമത് ആയ ലെക്ലെർക് സീസണിലെയും രണ്ടാം സ്ഥാനം നേടി. മൂന്നാം സ്ഥാനത്ത് എത്താനെ സെർജിയോ പെരസിന് ആയുള്ളൂ.
അതേസമയം മെഴ്സിഡസിന് വളരെ മോശം റേസ് ആയിരുന്നു ഇത്. കാറിലെ എഞ്ചിൻ തകരാർ കാരണം ലൂയിസ് ഹാമിൾട്ടനു റേസ് അവസാനിപ്പിക്കാൻ ആവാതെ വന്നപ്പോൾ സുരക്ഷിതമല്ലാത്ത പ്രവർത്തി കാരണം ജോർജ് റസലിന് പിഴയും കിട്ടി. കാർലോസ് സൈൻസിന് പിറകിൽ അഞ്ചാമത് ആയിരുന്നു ജോർജ് റസലിന്റെ സ്ഥാനം. അതേസമയം തന്റെ ഇതിഹാസ കരിയറിലെ അവസാന റേസിൽ സെബാസ്റ്റ്യൻ വെറ്റൽ ആസ്റ്റൺ മാർട്ടിന് ഒപ്പം പത്താം സ്ഥാനത്ത് എത്തി. ഈ സീസൺ അവസാനം മക്ലാരൻ വിടുന്ന ഡാനിയേൽ റികിയാർഡോക്ക് പിറകിൽ റേസ് അവസാനിപ്പിച്ച വെറ്റലിന് ഒരു പോയിന്റ് സ്വന്തമാക്കാനും ആയി.
