ഫോർമുല 1 ബെൽജിയം ഗ്രാന്റ് പ്രീയിൽ മെഴ്‌സിഡസ് ആധിപത്യം. ജോർജ് റസൽ ഒന്നാം സ്ഥാനം നേടിയപ്പോൾ ലൂയിസ് ഹാമിൾട്ടൻ രണ്ടാം സ്ഥാനത്ത് എത്തി. സീസണിൽ ബ്രിട്ടീഷ് ഡ്രൈവർ നേടുന്ന ആദ്യ ഗ്രാന്റ് പ്രീ ജയം ആണ് ഇത്. പോൾ പൊസിഷനിൽ റേസ് ആരംഭിച്ച ഫെറാറിയുടെ ചാൾസ് ലെക്ലെർകിനു പോഡിയത്തിൽ ഇടം കണ്ടെത്താൻ പറ്റിയില്ല. നാലാം സ്ഥാനം ആണ് താരം നേടിയത്.
മക്ലാരൻ ഡ്രൈവർ ഓസ്കാർ പിയാസ്ട്രി മൂന്നാമത് എത്തിയപ്പോൾ റെഡ് ബുള്ളിന്റെ നിലവിലെ ലോക ചാമ്പ്യൻ മാക്‌സ് വെർസ്റ്റാപ്പൻ അഞ്ചാം സ്ഥാനത്ത് എത്തി. നിലവിലും മാക്‌സ് വെർസ്റ്റാപ്പൻ തന്നെയാണ് ലോക ചാമ്പ്യൻഷിപ്പ് പോരാട്ടത്തിൽ ഒന്നാം സ്ഥാനത്ത്. മക്ലാരന്റെ ലാന്റോ നോറിസ് രണ്ടാം സ്ഥാനത്തും ഫെറാറിയുടെ ചാൾസ് ലെക്ലെർക് മൂന്നാം സ്ഥാനത്തും ആണ്.
