കേരള വനിതാ ലീഗ്; അവസാന മിനുട്ടിലെ ഗോളിൽ ബാസ്കോ എഫ് സിക്ക് ജയം

കേരള വനിതാ ലീഗ്; ബാസ്കോ എഫ് സിക്ക് വിജയം. ഇന്ന് കേരള യുണൈറ്റഡിനെ നേരിട്ട ബാസ്കോ ഒതുക്കുങ്ങൽ ഒന്നിനെതിരെ രണ്ടു ഗോളുകൾക്കാണ് വിജയിച്ചത്. ഇന്ന് ആദ്യ പകുതിയിൽ പതിനേഴാം മിനുട്ടിൽ ക്യാപ്റ്റൻ കൃഷ്ണപ്രിയയുടെ ഗോളിൽ ബാസ്കോ ലീഡ് എടുത്തു. ഇതിന് മറുപടി ഗോൾ വന്നത് ഏറെ വൈകി ആയിരുന്നു.

കേരള വനിതാ ലീഗ്

79ആം മിനുട്ടിൽ ആണ് കേരള യുണൈറ്റഡ് സമനില കണ്ടെത്തിയത്‌. ബേബി ലാൽചന്ദമി ആയിരുന്നു കേരള യുണൈറ്റഡിനായി ഗോൾ നേടിയത്‌. കളി സമനിലയിലേക്ക് പോവുകയാണ് എന്ന് തോന്നിയ സമയത്ത് ഇഞ്ച്വറി ടൈമിന്റെ രണ്ടാം മിനുട്ടിൽ ദിവ്യ കൃഷ്ണയിലൂടെ ബാസ്കോ ഒതുക്കുങ്ങൽ വിജയ ഗോൾ നേടി. ബാസ്കോയ്ക്ക് 12 പോയിന്റും കേരള യുണൈറ്റഡിന് 9 പോയിന്റുമാണ് ലീഗിൽ ഉള്ളത്‌