ഇന്ത്യൻ വനിതാ ലീഗിൽ സേതു എഫ് സിക്ക് മൂന്നാം വിജയം. ഇന്ന് ഇന്ത്യൻ ആരോസിനെ നേരിട്ട സേതു എഫ് സി എതിരില്ലാത്ത മൂന്ന് ഗോളുകൾക്കാണ് വിജയിച്ചത്. സേതുവിനായി ക്യാപ്റ്റൻ സന്ധ്യ ഇരട്ട ഗോളുകൾ നേടി. ആരിഫയുടെ ക്രോസിൽ നിന്നാണ് സന്ധ്യ ആദ്യ ഗോൾ നേടിയത്‌. 16ആം മിനുട്ടിലായിരുന്നു ഈ ഗോൾ. രണ്ടാം പകുതിയുടെ തുടക്കത്തിൽ സന്ധ്യ തന്നെ ടീമിന്റെ രണ്ടാം ഗോളും നേടി. ഒരു പെനാൾട്ടിയിൽ നിന്ന് കാർത്തിക ആണ് മൂന്നാം ഗോൾ നേടിയത്‌.
ഈ വിജയത്തോടെ സേതു എഫ് സിക്ക് 3 മത്സരങ്ങളിൽ നിന്ന് 9 പോയിന്റായി. സേതു എഫ് സി, കിക്ക് സ്റ്റാർട്ട്, ഗോകുലം കേരള എന്നിവരാണ് ഇപ്പോൾ 9 പോയിന്റിൽ ഉള്ളത്.
