ഇരുപതുകാരിയായ ഡച്ച് സൂപ്പർ താരം എസ്മി ബ്രുഗ്റ്റ്സിനെ ടീമിൽ എത്തിച്ചു ബാഴ്‌സലോണ വനിതകൾ. ഈ വർഷം ഡച്ച് ക്ലബ് പി.എസ്.വി ഐന്തോവനും ആയുള്ള കരാർ അവസാനിച്ച താരം നാലു വർഷത്തെ കരാറിന് ആണ് ബാഴ്‌സലോണയും ആയി കരാർ ഒപ്പ് വെച്ചത്. ഇതിനകം തന്നെ യൂറോപ്പിലെ ഏറ്റവും മികച്ച താരങ്ങളിൽ ഒരാൾ ആയാണ് ബ്രുഗ്റ്റ്സ് പരിഗണിക്കപ്പെടുന്നത്.
3 വർഷം മുമ്പ് പി.എസ്.വിക്ക് ആയി അരങ്ങേറ്റം കുറിച്ച താരം അവർക്ക് ആയി 50 കളികളിൽ നിന്നു 12 ഗോളുകൾ ആണ് നേടിയത്. ഈ കഴിഞ്ഞ വനിത ലോകകപ്പിൽ വിയറ്റ്‌നാമിനു എതിരെ 25 വാര അകലെ 2 ഗോളുകൾ നേടിയ താരം ലോകകപ്പിലും നന്നായി കളിച്ചിരുന്നു. ചെറുപ്പകാലത്ത് ബാഴ്‌സലോണ മൈതാനം സന്ദർശിച്ച ഫോട്ടോ പങ്ക് വെച്ചു ഇത് തന്റെ സ്വപ്ന യാഥാർത്ഥ്യം ആണെന്നാണ് താരം പ്രതികരിച്ചത്. അതേസമയം മാഞ്ചസ്റ്റർ യുണൈറ്റഡും താരത്തിന് ആയി ശ്രമിച്ചിരുന്നു.
