കോൺകകാഫ് നേഷൺസ് ലീഗിൽ അമേരിക്കയ്ക്ക് വമ്പൻ വിജയം. ഇന്ന് ക്യൂബയെ നേരിട്ട അമേരിക്ക എതിരില്ലാത്ത ഏഴു ഗോളുകൾക്കാണ് ഇന്ന് വിജയിച്ചത്. മകെന്നിയുടെ ഹാട്രിക്കാണ് അമേരിക്കൻ വിജയത്തിൽ വലിയ പങ്കുവഹിച്ചത്. മത്സരം തുടങ്ങി ആദ്യ 13 മിനുട്ടിൽ തന്നെ മകെന്നി ഇന്ന് ഹാട്രിക്ക് നേടിയിരുന്നു. അമേരിക്കയ്ക്ക് വേണ്ടി ഒരു താരം നേടുന്ന ഏറ്റവും വേഗത്തിലുള്ള ഹാട്രിക്കാണ് ഇത്.
1, 5, 13 മിനുട്ടുകളിൽ ആയിരുന്നു മകെന്നിയുടെ ഹാട്രിക്ക് ഗോളുകൾ. മകെന്നിയെ കൂടാതെ മോറിസ്, സാർജെന്റ്, പുലിസിച് എന്നിവരാണ് അമേരിക്കയ്ക്കായി ഗോൾ സ്കോർ ചെയ്തത്. ഒരു സെൽഫ് ഗോളും അമേരിക്കയ്ക്ക് ഇന്ന് ലഭിച്ചു.
