ബയേൺ മ്യൂണിക്കിന്റെ 34 കാരനായ സ്വിസ് ഗോൾ കീപ്പർ യാൻ സൊമ്മർ ഉടൻ ഇന്റർ മിലാൻ താരം ആവും. ഏതാണ്ട് 6 മില്യൺ യൂറോ നൽകിയാണ് താരത്തെ ഇന്റർ സ്വന്തമാക്കുന്നത്. മാഞ്ചസ്റ്റർ യുണൈറ്റഡിൽ പോയ ആന്ദ്ര ഒനാനക്ക് പകരക്കാരനായി ആണ് സൊമ്മർ എത്തുക.
നേരത്തെ തന്നെ താരവും ആയി വ്യക്തിഗത ധാരണയിൽ എത്തിയ ഇന്റർ ബയേണും ആയി ധാരണയിൽ എത്തിയത് ആയി ഫബ്രീസിയോ റൊമാനോ റിപ്പോർട്ട് ചെയ്തു. ഞായറാഴ്ച ഇറ്റലിയിൽ എത്തുന്ന താരം തിങ്കളാഴ്ച മെഡിക്കലിന് വിധേയനാവും. അതിനു ശേഷം താരത്തിന്റെ വരവ് ഇന്റർ ഔദ്യോഗികമായി പ്രഖ്യാപിക്കും.
