രോഹൻ ബൊപ്പണ്ണ പാരീസ് ഒളിമ്പിക്സിൽ എൻ ശ്രീറാം ബാലാജി അല്ലെങ്കിൽ യുകി ഭാംബ്രി എന്നിവരിൽ ഒരാളെ പാരീസ് ഒളിമ്പിക്‌സിനുള്ള തൻ്റെ ഡബിൾസ് പങ്കാളിയാക്കും. വേറെ കോമ്പിനേഷനുകൾ സെലക്ഷൻ കമ്മിറ്റി ചർച്ച ചെയ്യുന്നുണ്ടെങ്കിലും ഓൾ ഇന്ത്യ ടെന്നീസ് അസോസിയേഷനും (AITA) ബൊപ്പണ്ണയുടെ തീരുമാനത്തെ അംഗീകരിക്കാൻ ആണ് സാധ്യത.
ലോക റാങ്കിങ്ങിൽ നാലാം സ്ഥാനത്തുള്ള ബൊപ്പണ്ണയ്ക്ക്, ടോപ്പ്-10 കളിക്കാരനായതിനാൽ, നിയമങ്ങൾ അനുസരിച്ച് ഇഷ്ടമുള്ള കളിക്കാരനെ പങ്കാളി ആയി തിരഞ്ഞെടുക്കാം. ഡബ്ല്യുടിഎ റാങ്കിംഗ് ചാർട്ടുകളിൽ ടോപ്പ്-300-ൽ ഉള്ളവരായിരിക്കണം എന്ന നിർബന്ധം മാത്രമെ ഉണ്ടാവുകയുള്ളൂ. റിപ്പോർട്ടുകൾ അനുസരിച്ച് ബൊപ്പണ്ണ ബാലാജിയുടെയും ഭാംബ്രിയുടെയും പേരുകൾ ഫെഡറേഷനോട് ശുപാർശ ചെയ്തിട്ടുണ്ട്. ഇനി ഫെഡറേഷൻ ആകും അന്തിമ തീരുമാനം എടുക്കുക.
