ഫ്രഞ്ച് ഡിഫൻഡർ വരാനെയെ സ്വന്തമാക്കാൻ സീരി ക്ലബായ കോമോയുടെ ശ്രമം. റാഫേൽ വരാനെ ക്ലബുമായുള്ള ചർച്ചകൾക്ക് ആയി ഇറ്റലിയിൽ എത്തിയിട്ടുണ്ട്. മുൻ സ്പാനിഷ് താരം ഫാബ്രിഗാസിനും മുൻ ഫ്രഞ്ച് താരം തിയറി ഒൻറിക്കും ഓഹരിയുള്ള ക്ലബാണ് കോമോ. നേരത്തെ ഇന്റർ മയാമിയും വരാനെക്ക് ആയി അന്വേഷണങ്ങൾ നടത്തിയിരുന്നു.
ഇംഗ്ലീഷ് പ്രീമിയർ ലീഗ് ക്ലബായ മാഞ്ചസ്റ്റർ യുണൈറ്റഡ് സെന്റർ ബാക്ക് ആയിരുന്ന വരാനെ സീസൺ അവസാനത്തോടെ ക്ലബ് വിട്ടിരുന്നു. അവസാന രണ്ട് സീസണായി യുണൈറ്റഡിനൊപ്പം ആയിരുന്നു വരാനെ. വരാനെയെ തേടി സൗദി അറേബ്യൻ ക്ലബുകളും ഇപ്പോൾ രംഗത്ത് ഉണ്ട് എങ്കിലും താരം സൗദിയിലേക്ക് പോകാൻ ആഗ്രഹിക്കുന്നില്ല.
