ട്രയോരെയെ സ്വന്തമാക്കാനുള്ള സ്പർസ് ശ്രമങ്ങൾ വിജയിക്കുന്നു

Newsroom

20220124 195541
Download the Fanport app now!
Appstore Badge
Google Play Badge 1

ജനുവരി ട്രാൻസ്ഫർ വിൻഡോ ആരംഭിച്ചത് മുതൽ സ്പർസ് വോൾവ്സിന്റെ അറ്റാക്കിംഗ് താരം ട്രയോരെയെ സ്വന്തമാക്കാൻ ശ്രമിക്കുന്നുണ്ട്. കോണ്ടെക്ക് ഏറെ പ്രിയപ്പെട്ട താരത്തെ സ്വന്തമാക്കുന്നതിന് അടുത്ത് സ്പർസ് എത്തിയതായാണ് സൂചനകൾ. 6 മാസത്തെ ലോണിൽ ആകും താരം സ്പർസിലേക്ക് പോവുക. ലോൺ ഫീ ആയി തന്നെ വലിയ തുക സ്പർസ് നൽകേണ്ടി വരും. ഈ സീസൺ അവസാനം സ്പർസ് നാലു വർഷത്തെ കരാറിൽ ട്രയോരെയെ സ്വന്തമാക്കുകയും ചെയ്യും.
20220124 195514

ട്രയോരക്കായി സ്പർസ് 20 മില്യൺ പൗണ്ട് ഈ സീസൺ അവസാനം വോൾവ്സിൻ നൽകും എന്നാണ് റിപ്പോർട്ട്. 25 കാരനായ സ്പെയിൻകാരന് നേരത്തെ 15 മില്യൺ പൗണ്ടിന്റെ ഓഫർ നോർത്ത് ലണ്ടനുകാർ നൽകി എങ്കലും വോൾവ്സ് നിരസിച്ചിരുന്നു‌. വോൾവ്സിൽ ഇനി 18 മാസത്തെ കരാർ മാത്രമേ ട്രയോരക്ക് ശേഷിക്കുന്നുള്ളൂ.