ടോട്ടനം ഹോട്‌സ്‌പർ 21കാരനായ റൊമാനിയൻ സെന്റർ ബാക്ക് റാഡു ഡ്രാഗുസിനെ സ്വന്തമാക്കി. സീരി എയിൽ ജെനോവയ്ക്ക് വേണ്ടി കളിക്കുന്ന യുവതാരത്തിനായി നിരവധി ക്ലബുകൾ രംഗത്ത് ഉണ്ടായിരുന്നു. ബുണ്ടസ്ലിഗ ചാമ്പ്യൻമാരായ ബയേൺ മ്യൂണിക്കിനെ അടക്കം മറികടന്നാണ് ടോട്ടനം ഡ്രാഗൂസിനെ സ്വന്തമാക്കിയത്.
30 മില്യൺ യൂറോയുടെ പാക്കേജ് ഡീലിൽ ആണ് താരം നോർത്ത് ലണ്ടണിൽ എത്തുന്നത്‌. ഒപ്പം 23 കാരനായ ഡിജെഡ് സ്പെൻസ് ടോട്ടൻഹാമിൽ നിന്ന് ലോണിൽ ജെനോവയിലേക്ക് പോവുകയും ചെയ്യും. റൊമാനിയൻ ഡിഫൻഡർ മെഡിക്കൽ ടെസ്റ്റിനായി ബുധനാഴ്ച ലണ്ടനിലേക്ക് പോകും. യുവന്റസ് യുവടീമുകൾക്ക് ഒപ്പം വളർന്നു വന്ന താരം ഇറ്റലിയിൽ സാമ്പ്ഡോറിയ, സലർനെറ്റിന എന്നിവർക്കായും താരം കളിച്ചിട്ടുണ്ട്.
