വോൾവർഹാംപ്ടൺ വാണ്ടറേഴ്‌സ് 20കാരനായ വൈഡ് പ്ലെയർ റോഡ്രിഗോ ഗോമസിനെ സൈൻ ചെയ്യുന്നതിനായി ബ്രാഗയുമായി ഒരു കരാറിൽ എത്തി. നിരവധി ക്ലബ്ബുകളുടെ മത്സരത്തെ മറികടന്നാണ് വോൾവ്സ് താരത്തെ സ്വന്തമാക്കുന്നത്.
20-കാരനായ പോർച്ചുഗൽ യൂത്ത് ഇൻ്റർനാഷണൽ 15 മില്യൺ യൂറോയ്ക്ക് (12.7 മില്യൺ പൗണ്ട്) ആകും ഇംഗ്ലീഷ് പ്രീമിയർ ലീഗ് ക്ലബിലേക്ക് എത്തുക. അഞ്ച് വർഷത്തെ കരാർ താരം വോൾവ്സിൽ ഒപ്പുവെക്കാൻ ധാരണയിൽ എത്തിയിട്ടുണ്ട്. അതു കഴിഞ്ഞ് 12 മാസത്തേക്ക് കരാർ നീട്ടാനുള്ള ഓപ്ഷനും ഈ കരാറിൽ ഉൾപ്പെടുന്നു.
കഴിഞ്ഞ സീസണിൽ പോർച്ചുഗീസ് ലീഗിൽ 30 മത്സരങ്ങൾ കളിച്ച താരം 7 ഗോളും 7 അസിസ്റ്റും സംഭാവന ചെയ്തിരുന്നു.
