ഇന്റർ മിലാൻ പ്രതിരോധതാരം ബെഞ്ചമിൻ പവാർഡ് ഫ്രഞ്ച് ക്ലബ് ഒളിമ്പിക് മാഴ്സെയിൽ ചേർന്നു. ഈ വർഷത്തേക്ക് ലോൺ അടിസ്‌ഥാനത്തിൽ ആണ് ഫ്രഞ്ച് താരം സ്വന്തം നാട്ടിലേക്ക് തിരിച്ചു എത്തുന്നത്.
29 കാരനായ ഫ്രഞ്ച് ലോകകപ്പ് ജേതാവിന്റെ ഈ സീസണിലെ മുഴുവൻ വേതനവും മാഴ്സെ ആവും വഹിക്കുക. അതേസമയം ഈ വിടവ് പരിഹരിക്കാൻ മാഞ്ചസ്റ്റർ സിറ്റിയിൽ നിന്നു സ്വിസ് പ്രതിരോധ താരം മാനുവൽ അക്കാഞ്ചിയെ ഇന്റർ ലോണിൽ ടീമിൽ എത്തിച്ചിട്ടുണ്ട്.
