നോട്ടിംഗ്ഹാം ഫോറസ്റ്റിൽ നിന്ന് ഗ്രീസ് അന്താരാഷ്ട്ര ഗോൾകീപ്പർ ഒഡീസിയസ് വ്ലാചോഡിമോസിനെ ന്യൂകാസിൽ യുണൈറ്റഡ് സ്വന്തമാക്കി. യുവേഫ ചാമ്പ്യൻസ് ലീഗിൽ 41 കരിയർ മത്സരങ്ങൾ കളിച്ചിട്ടുള്ള താരമാണ് വ്ലാചോഡിമോസ്‌. 42 സീനിയർ ഇൻ്റർനാഷണൽ ക്യാപ്സും 30കാരനായ താരത്തിന് ഉണ്ട്.
സ്റ്റട്ട്ഗാർട്ടിൽ ജനിച്ച ഒഡീസിയസ്, അണ്ടർ-21 ലെവൽ വരെ ജർമ്മനിയെ പ്രതിനിധീകരിച്ചിരുന്നു VfL വാംഗൻ, VfB സ്റ്റട്ട്ഗാർട്ട് എന്നിവരോടൊപ്പം തൻ്റെ കരിയർ ആരംഭിച്ചു. പിന്നീട് പോർച്ചുഗീസ് ഭീമൻമാരായ ബെൻഫിക്കയിൽ ചേരുകയും ഗ്രീക്ക് ദേശീയ ടീമിലേക്ക് മാറുകയും ചെയ്തു.
2023 സെപ്റ്റംബറിൽ നോട്ടിംഗ്ഹാം ഫോറസ്റ്റിൽ ചേരുന്നതിന് ഇംഗ്ലണ്ടിലേക്ക് പോകുന്നതിന് മുമ്പ് ലിസ്ബണിലെ തൻ്റെ അഞ്ച് വർഷത്തിനിടെ ഒഡീസിയസ് രണ്ട് പ്രൈമിറ ലീഗ് കിരീടങ്ങൾ നേടി.
“ന്യൂകാസിൽ യുണൈറ്റഡിൽ ചേരുന്നതിൽ എനിക്ക് അതിയായ സന്തോഷമുണ്ട്. മികച്ച കളിക്കാരും മികച്ച പരിശീലകനുമുള്ള ഈ വമ്പൻ ക്ലബ്ബിൻ്റെ ഭാഗമാകാൻ കഴിഞ്ഞതിൽ എനിക്ക് അഭിമാനമുണ്ട്.” ഒഡീസിയസ് പറഞ്ഞു
