ന്യൂകാസിൽ യുണൈറ്റഡ്, ബേൺലിയിൽ നിന്നുള്ള യുവ ഗോൾകീപ്പറായ ജെയിംസ് ട്രാഫോർഡിനെ സ്വന്തമാക്കുന്നതിന് അടുത്ത് എത്തിയിരിക്കുകയാണ്. മാഗ്പീസ് 21-കാരനുമായി വ്യക്തിപരമായ നിബന്ധനകൾ അംഗീകരിച്ചതായി റിപ്പോർട്ടുണ്ട്. ഇപ്പോൾ ക്ലബുകൾ തമ്മിൽ ചർച്ചകൾ തുടരുകയാണ്. ട്രാഫോർഡിൻ്റെ ട്രാൻസ്ഫർ ഫീസ് സംബന്ധിച്ച് ബേൺലിയുമായി ചർച്ചകൾ നടന്നുകൊണ്ടിരിക്കുകയാണ്.
തുടക്കത്തിൽ, ട്രാഫോർഡിൻ്റെ സേവനം സുരക്ഷിതമാക്കാൻ മാഗ്പീസ് £16 മില്യൺ ($20.3m) വാഗ്ദാനം ചെയ്തിരുന്നു, എന്നാൽ 20 ദശലക്ഷം പൗണ്ടിന് ($25.4m) അടുത്ത് ഒരു ഫീസാണ് ബേൺലി ആഗ്രഹിക്കുന്നത്. ഇപ്പോൾ 3 മില്യൺ അധിക ആഡ്-ഓണുകൾ ഉള്ള 15 ദശലക്ഷം പൗണ്ടിൻ്റെ ഒരു ഓഫർ ന്യൂകാസിൽ ബേർൺലിക്ക് മുന്നിൽ വെച്ചിട്ടുണ്ട്.
ട്രാഫോർഡിൻ്റെ മുൻ ക്ലബ്ബായ മാഞ്ചസ്റ്റർ സിറ്റിക്ക് അവരുടെ കരാറിൻ്റെ ഭാഗമായി ട്രാൻസ്ഫർ ഫീയുടെ 20% ബേൺലിയിൽ നിന്ന് ലഭിക്കും. 2002 ഒക്ടോബർ 10-ന് ജനിച്ച ട്രാഫോർഡ്, അക്രിങ്ങ്ടൺ സ്റ്റാൻലിയിലും ബോൾട്ടൺ വാണ്ടറേഴ്‌സിലും ലോൺ സ്‌പെല്ലുകളിൽ മുമ്പ് കളിച്ചിട്ടുണ്ട്.
