സെവിയ്യയുടെ ഈ സീസണിലെ ആദ്യ ട്രാൻസ്ഫർ പൂർത്തിയായി. ഗോൾകീപ്പർ മാർക്കോ ദിമിട്രോവിച് ആണ് സെവിയ്യയിൽ എത്തിയത്. അദ്ദേഹം നാല് വർഷത്തെ കരാറിൽ ഒപ്പുവെച്ചു. സെർബിയൻ താരമായ ദിമിത്രോവിച് ഐബറിൽ നിന്നാണ് സെവിയ്യയിൽ എത്തുന്നത്. കഴിഞ്ഞ ആഴ്ചയോടെ ദിമിത്രോവിചിന്റെ ഐബറിലെ കരാർ അവസാനിച്ചിരുന്നു.
1992 ൽ സുബോട്ടിക്കയിൽ ജനിച്ച താരം സെർബിയയ്ക്ക് വേണ്ടി 18 മത്സരങ്ങൾ ഇതുവരെ കളിച്ചിട്ടുണ്ട്. റെഡ് സ്റ്റാർ ബെൽഗ്രേഡിലൂടെയാണ് ദിമിത്രോവിച് കരിയർ ആരംഭിച്ചത്. 2017ലെ സമ്മറിലാണ് താരം എസ്ഡി ഐബാറിൽ എത്തിയത്. താരം നാല് സീസണുകളിലായി 131 മത്സരങ്ങൾ ഐബറിനായി കളിച്ചിട്ടുണ്ട്.
