സെവിയ്യയുടെ മുന്നേറ്റതാരം ലൂക്ക് ഡിയോങിന് വേണ്ടി മെക്സിക്കൻ ലീഗിൽ നിന്നും ആവശ്യക്കാർ. മെക്സിക്കൻ ഫസ്റ്റ് ഡിവിഷനിലെ ടോലൂക്കയാണ് സെവിയ്യക്ക് മുന്നിൽ ഓഫറുമായി എത്തിയിരിക്കുന്നത്. താരത്തെ കൈമാറാൻ തയ്യാറായ ക്ലബ്ബ്, കൈമാറ്റ തുക സംബന്ധിച്ച ചർച്ചകളും ആരംഭിച്ചു.
കഴിഞ്ഞ സീസണിൽ ബാഴ്‌സലോണയിൽ ലോണടിസ്ഥാനത്തിൽ കളിക്കുകയായിരുന്നു മുപ്പത്തിയൊന്നുകാരൻ. 2019ലാണ് പിഎസ്‌വിയിൽ നിന്നും ലാ ലീഗയിൽ എത്തുന്നത്. സെവിയ്യക്ക് വേണ്ടി 94 മത്സരങ്ങളിൽ നിന്നും 19 ഗോളുകൾ നേടി. ബാഴ്‌സയിൽ 29 മത്സരങ്ങളിൽ നിന്നും 7 ഗോളുകളും നേടാൻ സാധിച്ചു. ബാഴ്‌സയിൽ തന്നെ തുടരാനുള്ള ആഗ്രഹം അറിയിച്ചിരുന്നെങ്കിലും ടീം മാനേജ്‌മെന്റ് ഇത് പരിഗണിച്ചില്ല. സെവിയ്യയും നെതർലണ്ട്സ് താരത്തെ തങ്ങളുടെ ടീമിൽ നിലനിർത്താൻ ആഗ്രഹിക്കുന്നില്ല.
നേരത്തെ എഡിസൻ കവാനിക്ക് വേണ്ടിയും ടോലൂക്ക ശ്രമിച്ചിരുന്നു. എന്നാൽ താരം യൂറോപ്പ് വിടാൻ ആഗ്രഹിക്കാത്തതിനാൽ ആണ് അടുത്ത സാധ്യതതായി ലൂക്ക് ഡിയോങ്ങിനെ സമീപിച്ചത്.
