മധ്യനിര പുനർ സംഘടിപ്പിക്കുന്നതിനു ഭാഗമായി അലക്സിസ് മകാലിസ്റ്ററിന് പിന്നാലെ ആർ.ബി ലൈപ്സിഗിന്റെ ഹംഗേറിയൻ താരം ഡൊമനിക് സൊബസ്ലായിയെ റിലീസ് ക്ലൗസ് നൽകി ടീമിൽ എത്തിച്ചു ലിവർപൂൾ. നേരത്തെ തന്നെ താരവും ആയി ലിവർപൂൾ വ്യക്തിഗത ധാരണയിൽ എത്തിയിരുന്നു. ഇന്ന് തീരുന്ന 70 മില്യൺ യൂറോയുടെ റിലീസ് ക്ലൗസ് ലിവർപൂൾ ആക്ടിവേറ്റ് ചെയ്യുക ആയിരുന്നു.
ഇതിനു ഒരു മണിക്കൂർ മുമ്പ് ആർ.ബി ലൈപ്സിഗിനെ ലിവർപൂൾ കാര്യം അറിയിച്ചിരുന്നു. ലിവർപൂളിൽ പോകണം എന്ന താരത്തിന്റെ നിർബന്ധവും ഈ തീരുമാനത്തിന് പിറകിൽ ഉണ്ട്. ഈ ട്രാൻസ്ഫർ വിപണിയിൽ ലിവർപൂൾ നടത്തുന്ന ഏറ്റവും വലിയ നീക്കം ആണ് ഇത്. ഇനി മെഡിക്കൽ കൂടി കഴിഞ്ഞാൽ താരത്തിന്റെ നീക്കം ഔദ്യോഗികമായി പ്രഖ്യാപിക്കും. ക്ലോപ്പിന് വലിയ ശക്തിയാവും താരത്തിന്റെ വരവ് നൽകുക.
