ബാഴ്സലോണ വിട്ട കെവിന്‍ പ്രിന്‍സ് ബോട്ടങ്ങ് ഫിയോരെന്റിനയിൽ

jithinvarghese

Download the Fanport app now!
Appstore Badge
Google Play Badge 1

ബാഴ്സലോണ വിട്ട കെവിൻ പ്രിൻസ് ബോട്ടെങ്ങ് ഇറ്റലിയിൽ തിരിച്ചെത്തി. ഇറ്റാലിയൻ ക്ലബ്ബായ ഫിയോരെന്റീനയുമായി 2 വർഷത്തെ കരാറിലാണ് താരം സീരി എയിൽ തിരിച്ചെത്തിയത്. ഒരു മില്ല്യൺ യൂറോ ബോട്ടാങ്ങിന് നൽകിയാണ് താരത്തെ ഫിയോരെന്റീന ടീമിലെത്തിച്ചത്.

ജര്‍മ്മന്‍ ഇന്റര്‍നാഷണല്‍ ജെറോം ബോട്ടങ്ങിന്റെ സഹോദരനാണ് കെവിന്‍ പ്രിന്‍സ്. മുൻപ് എ സി മിലാന്‍, ടോട്ടന്‍ഹാം, ഡോര്‍ട്മുണ്ട് തുടങ്ങിയ ക്ലബുകള്‍ക്കായും കളിച്ചിട്ടുണ്ട്.

കഴിഞ്ഞ സീസണിൽ 32 കാരനായ താരം 4 മത്സരങ്ങളിലാണ് ബാഴ്സക്ക് വേണ്ടി കളിച്ചത്. ലാ ലീഗയിൽ രണ്ടാം വരവായിരുന്നു ഇത്. ലാസ് പാൽമാസിലും 2016-17 സീസണിൽ ബോട്ടാങ്ങ് കളിച്ചുരുന്നു. ഇത് ബോട്ടാങ്ങിന്റെ കരിയറിലെ 10 ആം ക്ലബ്ബായിരുന്നു. സീസണിന്റെ ആദ്യ പകുതിയിൽ ഇറ്റലിയിൽ സാസുവോളയ്ക്ക് വേണ്ടി 15 മത്സരങ്ങളിൽ അഞ്ച് ഗോളുകളും നേടിയിരുന്നു.