ആഴ്‌സണൽ താരം തോമസ് പാർട്ടിയെ സ്വന്തമാക്കാൻ ഇറ്റാലിയൻ വമ്പന്മാർ ആയ യുവന്റസ് ശ്രമിക്കും. 30 കാരനായ ഘാന താരത്തെ വിൽക്കാൻ തയ്യാറാണ് എന്നു നേരത്തെ ക്ലബ് വ്യക്തമാക്കിയിരുന്നു. നിലവിൽ റാബിയോറ്റ് ടീം വിടും എങ്കിൽ പാർട്ടിയെ സ്വന്തമാക്കാൻ പറ്റുമോ എന്ന സാധ്യത ആണ് യുവന്റസ് അന്വേഷിക്കുന്നത്.
നിലവിൽ താരത്തിന് ആയി സൗദി ക്ലബുകളും ഫ്രഞ്ച് ക്ലബ് എ.എസ് മൊണാകോയും രംഗത്ത് ഉണ്ട്. എന്നാൽ നിലവിൽ പകരക്കാരനെ ലഭിക്കാതെ ആഴ്‌സണൽ താരത്തെ വിൽക്കാൻ സാധ്യത കുറവാണ്. രണ്ടു വർഷത്തെ കരാർ ബാക്കിയുള്ള താരത്തിന് ആയി 30 മില്യൺ പൗണ്ട് എങ്കിലും ലഭിക്കണം എന്ന നിലപാട് ആണ് ആഴ്‌സണലിന് ഉള്ളത്.
