മാഞ്ചസ്റ്റർ യുണൈറ്റഡ് സ്ട്രൈക്കർ ആയ മേസൺ ഗ്രീൻവുഡ് ഫ്രഞ്ച് ക്ലബായ മാഴ്സെയിലേക്ക് അടുക്കുന്നു. താരത്തെ സ്ഥിരകരാറിൽ ആകും മാഴ്സെ സ്വന്തമാക്കുന്നത്. 25 മില്യൺ ആകും ട്രാൻസ്ഫർ തുക. വലിയ സെൽ ക്ലോസ് മാഞ്ചസ്റ്റർ യുണൈറ്റഡ് ഈ ട്രാൻസ്ഫർ കരാറിൽ വെക്കും. ഗ്രീൻവുഡിനെ ഭാവിയിൽ മാഴ്സെ വിൽക്കുമ്പോൾ ട്രാൻസ്ഫർ ലാഭത്തിന്റെ 40% മാഞ്ചസ്റ്റർ യുണൈറ്റഡിനു ലഭിക്കുന്ന തലത്തിലാകും ക്ലോസ്.
രണ്ട് ബിഡുകൾ മാഞ്ചസ്റ്റർ യുണൈറ്റഡിന് ഗ്രീന്വുഡിനായി ലഭിച്ചതായി ഇംഗ്ലീഷ് മാധ്യമങ്ങൾ റിപ്പോർട്ട് ചെയ്യുന്നു. ഫ്രഞ്ച് ക്ലബായ മാഴ്സെക്ക് ഇപ്പം ഇറ്റാലിയൻ ക്ലബായ ലാസിയോയും ആണ് ഗ്രീൻവുഡിനെ സൈൻ ചെയ്യാൻ രംഗത്ത് ഉള്ളത്.
ലാസിയോ ഇപ്പോൾ 15 മില്യണും ഒപ്പം ഒരു താരത്തെയും ആണ് വാഗ്ദാനം ചെയ്യുന്നത്. മാഴ്സയുടെ ബിഡ് ആണ് യുണൈറ്റഡ് ഇപ്പോൾ പരിഗണിക്കുന്നത്. ഗ്രീൻവുഡിനെ വിൽക്കാൻ തന്നെയാണ് യുണൈറ്റഡ് ആഗ്രഹിക്കുന്നത്. വിൽക്കാൻ ആയില്ല എങ്കിൽ താരത്തെ ഒരിക്കൽ കൂടെ ലോണിൽ അയക്കാനും യുണൈറ്റഡ് തയ്യാറാണ്. കഴിഞ്ഞ സീസണിൽ ലാലിഗ ക്ലബായ ഗെറ്റഫെയിൽ ലോണിൽ കളിച്ച ഗ്രീൻവുഡ് അവിടെ മികച്ച പ്രകടനം കാഴ്ചവെച്ചിരുന്നു. 33 മത്സരങ്ങൾ കളിച്ച ഗ്രീൻവുഡ് 8 ഗോളുകൾ നേടുകയും 6 അസിസ്റ്റ് ഒരുക്കുകയും ചെയ്തു.
