PSV ഐന്തോവൻ വിംഗർ ആയ കോഡി ഗാക്പോയെ സ്വന്തമാക്കാൻ സതാമ്പ്ടൺ ശ്രമിക്കുന്നു. നേരത്തെ മാഞ്ചസ്റ്റർ യുണൈറ്റഡ് സ്വന്തമാക്കാൻ ശ്രമിച്ചിരുന്ന താരമാണ് ഗാക്പോ. ആന്റണിയെ സ്വന്തമാക്കാൻ ആയതോടെ ഗാക്പോയിൽ നിന്ന് യുണൈറ്റഡ് പിന്മാറിയിരുന്നു. ഇപ്പോൾ പി എസ് വി താരത്തെ വിൽക്കാൻ ആഗ്രഹിക്കുന്നുണ്ട്. സതാമ്പ്ടണും ലീഡ്സും താരത്തിനായി രംഗത്ത് ഉണ്ട്. ഡാനിയൽ ജെയിംസ് ക്ലബ് വിട്ടു എങ്കിൽ മാത്രമെ ഗാക്പോയ്ക്കായി ലീഡ് വിഡ് ചെയ്യുക ഉള്ളൂ.
30 മില്യൺ യൂറോ നൽകിയാൽ ഗാക്പോയെ വിട്ടു നൽകാൻ പി എസ് വി തയ്യാറാണ്. 23കാരനായ താരം ഇപ്പോൾ പി എസ് വിയിൽ മുൻ മാഞ്ചസ്റ്റർ യുണൈറ്റഡ് സ്ട്രൈക്കർ റൂഡ് വാൻ നിസ്റ്റെൽറൂയിയുടെ കീഴിലാണ് കളിക്കുന്നത്. ഇടതുവശത്ത് കളിക്കുന്ന വിംഗറാണ് ഗാക്പോ. കഴിഞ്ഞ സീസണിൽ പിഎസ്‌വിക്ക് വേണ്ടിയുള്ള പ്രകടനം കൊണ്ട് ഗാക്പോ ഈ വർഷത്തെ ഡച്ച് ഫുട്‌ബോളറായി തിരഞ്ഞെടുക്കപ്പെട്ടിരുന്നു. കഴിഞ്ഞ സീസണിൽ 12 ഗോളുകളും 12 അസിസ്റ്റും ഗാക്പോ ഡച്ച് ലീഗിൽ നേടിയിരുന്നു.
