യുവ ബ്രസീലിയൻ താരം ഗബ്രിയേൽ മോസ്കാർഡോയെ പി എസ് ജി സ്വന്തമാക്കി. 2028 വരെ നീണ്ടു നിൽക്കുന്ന ഒരു കരാറിൽ ആണ് 18 കാരനായ ബ്രസീലിയൻ മിഡ്ഫീൽഡർ ഗബ്രിയേൽ മോസ്കാർഡോയെ പി എസ് ജി ടീമിലേക്ക് എത്തിക്കുന്നത്. കൊറിന്ത്യൻസ് താരമായ ഗബ്രിയേൽ ഈ സീസൺ അവസാനം വരെ അവിടെ ലോണിൽ കളിക്കും. 20 മില്യൺ യൂറോ ആണ് ട്രാൻസ്ഫർ തുക.
2017-ൽ കൊരിന്ത്യൻസിൽ ചേരുമ്പോൾ മോസ്കാർഡോയ്ക്ക് 12 വയസ്സായിരുന്നു, 2023-ലെ വേനൽക്കാലത്ത് അദ്ദേഹം ക്ലബ്ബിന്റെ ആദ്യ ടീമിൽ പ്രവേശിച്ചു. 17-ാം വയസ്സിൽ കൊറിന്ത്യൻസിന് വേണ്ടി പ്രൊഫഷണൽ അരങ്ങേറ്റം നടത്തി. കൊറിന്ത്യൻസ് ടീം ഷീറ്റിലെ ആദ്യ പേരുകളിൽ ഒരാളായി മാറിയ യുവതാരം ഇതിനകം 25 മത്സരങ്ങൾ കളിച്ചു. ഒരു ഗോളും ഒരു അസിസ്റ്റും ടീമിനായി നേടിയിട്ടുണ്ട്.
