ചെൽസിയുടെ യുവതാരം ഏതൻ അമ്പാഡുവിനെ ടീമിൽ എത്തിക്കാൻ എംപോളിയുടെ ശ്രമം. ഇരുപത്തിയൊന്ന്കാരനായ താരത്തെ ഒരു വർഷത്തെ ലോണിൽ എത്തിക്കാനാണ് ഇറ്റാലിയൻ ടീം ശ്രമിക്കുന്നത്. ഇരുടീമുകളും സാലറി വിഷയത്തിൽ ചർച്ചകൾ നടത്തി കൊണ്ടിരിക്കുകയാണ്. കഴിഞ്ഞ സീസണുകളിൽ ലോണിൽ വിവിധ ടീമുകളിൽ കളിക്കുകയായിരുന്ന താരം അടുത്ത സീസണിലും ചെൽസിയിൽ തുടരില്ലെന്ന് ഏറെക്കുറെ ഉറപ്പായിരിക്കുകയാണ്.
2017ലാണ് വെയിൽസ് താരം ചെൽസിയിൽ എത്തുന്നത്. ആ വർഷം തന്നെ സീനിയർ ടീം ജേഴ്‌സി അണിയാൻ സാധിച്ചു. ടീമിന് വേണ്ടി അരങ്ങേറ്റം കുറിച്ച ഏറ്റവും പ്രായം കുറഞ്ഞ താരങ്ങളിൽ ഒരാളാണ്. 2019 മുതലുള്ള സീസണുകളിൽ ലെപ്സീഗ്, ഷെഫീൽഡ്, വെനീസിയ എന്നീ ടീമുകൾക്കായി ലോണിൽ കളിച്ചു. ഈ സീസണിലും താരത്തെ ലോണിൽ അയക്കാൻ തന്നെയാണ് ചെൽസിയുടെ തീരുമാനം. അതേ സമയം ടീമിന് ഉദ്ദേശിച്ച താരങ്ങളെ പ്രതിരോധത്തിലേക്ക് എത്തിക്കാൻ സാധിക്കാതെ ഇരിക്കുന്ന ഘട്ടത്തിലാണ് അമ്പാഡുവിനെ ലോണിൽ കൈമാറാൻ തയ്യാറെടുക്കുന്നത്
Story Highlight: Empoli are still keen on signing Ethan Ampadu on loan from Chelsea.
