വിദേശ താരം അൽ ആമ്നയ്ക്ക് പകരക്കാരനെ ഈസ്റ്റ് ബംഗാൾ കണ്ടെത്തി. വിങ്ങറായ അന്റോണിയോ ദൊവാലേ എന്ന ടോണി ദൊവാലെ ആണ് ഈസ്റ്റ് ബംഗാളിനൊപ്പം ചേർന്നത്. സ്പാനിഷ് താരമായ ടോണി കഴിഞ്ഞ ഐ എസ് എൽ സീസണിൽ ബെംഗളൂരു എഫ് സിയിൽ കളിച്ച താരമാണ്. 27 കാരനായ ടോണി ഇപ്പോൾ സൈപ്രസ് ക്ലബായ ഫമഗുസ്റ്റയിൽ നിന്ന് ലോണിൽ ആണ് കൊൽക്കത്തയിലേക്ക് എത്തുന്നത്.
മുൻ ബാഴ്സലോണ അക്കാദമി താരമാണ് ടോണി. മൂന്നു വർഷത്തോളം ബാഴ്സ യൂത്ത് ടീമിനൊപ്പം ഉണ്ടായിരുന്നു. കാൻസാസ് സിറ്റി, സെൽത ബി, ലെഗനെൻസ്, റയോ വല്ലേകാനോ എന്നീ ടീമുകളുടെ ഇടതു വിങ്ങിലും ടോണി മികവ് തെളിയിച്ചിട്ടുണ്ട്.
