ബാഴ്സലോണയുടെ താരമായിരുന്ന ഡെംബലെ ഇനി പി എസ് ജിക്ക് ഒപ്പം. അവസാന കുറച്ച് ദിവസമായുള്ള ട്രാൻസ്ഫർ ചർച്ചകൾക്ക് ഒടുവിൽ ഡെംബലെയെ പി എസ് ജി സൈൻ സൈൻ ചെയ്തതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. ബാഴ്സലോണയിൽ ഡെംബലെയുടെ കരാറിൽ ഉണ്ടായിരുന്ന പ്രൈവറ്റ് ക്ലോസ് ഉപയോഗിച്ചാണ് പി എസ് ജി താരത്തെ സ്വന്തമാക്കുന്നത്. 50 മില്യൺ ആകും പി എസ് ജി ചിലവഴിക്കുക.
ഈ 50 മില്യണിൽ 25 മില്യൺ മാത്രമെ ബാഴ്സലോണക്ക് ലഭിക്കുകയുള്ളൂ. ബാക്കിയുള്ള 25 മില്യൺ ഡെംബലെക്ക് തന്നെയാകും ലഭിക്കുക. ബാഴ്സലോണക്ക് ഈ ട്രാൻസ്ഫർ വലിയ തിരിച്ചടിയാണ്. സാവി താരത്തെ നിലനിർത്താൻ ശ്രമിച്ചിരുന്നു എങ്കിലും ഫലം ഉണ്ടായില്ല. പി എസ് ജിയിൽ 2028 വരെയുള്ള കരാർ ഡെംബലെ ഒപ്പുവെക്കും. താരത്തിനായി പി എസ് ജി മെഡിക്കൽ ബുക്ക് ചെയ്തിട്ടുണ്ട്.
26കാരനായ താരം 2016 മുതൽ ബാഴ്സലോണക്ക് ഒപ്പം ഉണ്ട്. പരിക്ക് കാരണം പലപ്പോഴും പുറത്തായിരുന്നു എങ്കിലും അവസാന സീസണിൽ ഫിറ്റ്നസ് വീണ്ടെടുത്ത് നല്ല പ്രകടനം താരം കാഴ്ചവെച്ചു. മുമ്പ് ഡോർട്മുണ്ടിനായും ഡെംബലെ കളിച്ചിട്ടുണ്ട്.
