രണ്ടു മികച്ച താരങ്ങളെ ടീമിൽ എത്തിച്ചു ആഴ്സണൽ വനിതകൾ. കഴിഞ്ഞ സീസണുകളിൽ ചെൽസി പിറകിൽ രണ്ടാമത് ആയ ആഴ്സണൽ ഈ സീസണിൽ അവരെ മറികടക്കാൻ ആണ് ശ്രമിക്കുക. മുന്നേറ്റത്തിൽ പരിക്കുകൾ വില്ലൻ ആയ ആഴ്സണൽ കനേഡിയൻ മുന്നേറ്റനിര താരം ക്ലൊയെ ലകാസെ ബെൻഫിക്കയിൽ നിന്നു ഫ്രീ ഏജന്റ് ആയിട്ട് ആണ് സ്വന്തമാക്കിയത്. ചാമ്പ്യൻസ് ലീഗിൽ 5 ഗോളുകൾ കഴിഞ്ഞ സീസണിൽ നേടിയ കനേഡിയൻ താരം കളിച്ച 22 കളികളിൽ നിന്നു 22 ഗോളുകൾ ആണ് നേടിയത്.
ഇതിനു പുറമെ പി.എസ്.ജിയുടെ സ്വീഡിഷ് പ്രതിരോധ താരം അമാന്ത ഇലസ്റ്റഡിനെയും ആഴ്സണൽ ടീമിൽ എത്തിച്ചു. സെന്റർ ബാക്ക്, റൈറ്റ് ബാക്ക് എന്നിവിടങ്ങളിൽ കളിക്കാൻ സാധിക്കുന്ന അമാന്ത സ്വീഡിഷ് ടീമിന്റെ അവിഭാജ്യ ഘടകം ആണ്. പരിക്കുകൾ വലക്കുന്ന ആഴ്സണലിന് ഈ താരങ്ങളുടെ വരവ് വലിയ കരുത്ത് പകരും. അതേസമയം മാഞ്ചസ്റ്റർ യുണൈറ്റഡിൽ കരാർ തീർന്ന ഇംഗ്ലീഷ് മുന്നേറ്റനിര സൂപ്പർ താരം അലസിയ റൂസോയും ഉടൻ ആഴ്സണൽ താരം ആവും.
