മാഞ്ചസ്റ്റർ യുണൈറ്റഡ് സോഫ്യാൻ അമ്രബാതിന്റെ ലോൺ പുതുക്കുമോ ഇല്ലയോ എന്ന കാര്യത്തിൽ ഇനിയും തീരുമാനം എടുത്തിട്ടില്ല. അടുത്ത സീസണിലേക്ക് മധ്യനിര മെച്ചപ്പെടുത്താൻ ശ്രമിക്കുന്ന മാഞ്ചസ്റ്റർ യുണൈറ്റഡ് പുതിയ മധ്യനിര താരങ്ങളെ തേടുന്നുണ്ട്‌. എന്നാൽ കസെമിറോ കൂടടെ ക്ലബ് വിടുക ആണെങ്കിൽ അമ്രബാതിനെ സ്വന്തമാക്കുന്നത് യുണൈറ്റഡ് ആലോചിക്കും.
ഇപ്പോൾ പി എസ് ജി താരം ഉഗർതെയെ ആണ് യുണൈറ്റഡ് മധ്യനിരയിലേക്ക് നോക്കുന്നത്. ഉഗാർതെയ്ക്ക് ഒപ്പം അമ്രബതിനെ നിലനിർത്താൻ കൂടെ ആയാൽ അത് മധ്യനിരയിൽ താൽക്കാലിക പരിഹാരമാകും എന്ന് യുണൈറ്റഡ് കരുതുന്നു. 16 മില്യൺ നൽകിയാൽ യുണൈറ്റഡിന് അമ്രബതിനെ ഫിയൊറെന്റിനയിൽ നിന്ന് സ്ഥിര കരാറിൽ സൈൻ ചെയ്യാം. എന്നാൽ ഫിയൊറെന്റിനക്ക് കൃത്യമായ മറുപടി ഇതുവരെ യുണൈറ്റഡ് നൽകിയിട്ടില്ല.
അമ്രബതിന്റെ ഫിറ്റ്നസ് പ്രശ്നങ്ങളും ആണ് മാഞ്ചസ്റ്റർ യുണൈറ്റഡിലെ താരത്തിന്റെ ലോൺ കാലത്തെ പ്രകടനത്തെ ബാധിച്ചിരുന്നു. എന്നാൽ സീസൺ അവസാനം താരം മികച്ച പ്രകടനത്തോടെ തന്റെ മൂല്യം തെളിയിച്ചിരുന്നു.
26കാരനായ താരം 2020 മുതൽ ഫിയൊറെന്റിനക്ക് ഒപ്പം ഉണ്ട്. അതിനു മുമ്പ് ഹെല്ലാസ് വെറോണക്കായും ഇറ്റലിയിൽ കളിച്ചു. മൊറോക്കൻ ദേശീയ ടീമിനായി അമ്പതോളം മത്സരങ്ങൾ ഇതിനകം കളിച്ചിട്ടുണ്ട്.
