അയാക്‌സ് യുവ മുന്നേറ്റനിര താരം മുഹമ്മദ് ദറമി ഫ്രഞ്ച് ക്ലബ് റെയ്മിസിൽ ചേർന്നു. 21 കാരനായ ഡാനിഷ് താരത്തെ ഏതാണ്ട് 17 മില്യൺ യൂറോ നൽകിയാണ് ഫ്രഞ്ച് ലീഗ് 1 ക്ലബ് സ്വന്തമാക്കിയത്. താരത്തെ പിന്നീട് വിൽക്കുമ്പോൾ അയാക്സിന് ഒരു വിഹിതം ലഭിക്കുന്ന(സെൽ ഓൺ ക്ലോസ്)വ്യവസ്ഥയും കരാറിൽ ഉണ്ട്.
കോപ്പൻഹാഗൻ അക്കാദമിയിലൂടെ സീനിയർ ടീമിൽ എത്തിയ താരത്തെ 2021 ൽ ഏതാണ്ട് 13 മില്യൺ യൂറോ നൽകിയാണ് അയാക്‌സ് സ്വന്തമാക്കിയത്. അയാക്‌സിൽ പ്രതീക്ഷ നൽകുന്ന പ്രകടനം നൽകാത്ത താരത്തെ ഒരു വർഷത്തിന് ശേഷം അയാക്‌സ് അവർക്ക് തന്നെ ലോണിൽ അയച്ചു. അയാക്സിന് ആയി 16 കളികളിൽ നിന്നു 3 ഗോളുകൾ നേടാൻ ആണ് താരത്തിന് ആയത്.
