ബെൽജിയൻ താരം അദ്നാൻ യനുസായ് ലാലിഗയിൽ തന്നെ തുടരും. സെവിയ്യ ആണ് റയൽ സോസിഡാഡ് വിട്ട താരത്തെ സ്വന്തമാക്കിയത്. 2026വരെ നീണ്ട കരാർ യനുസായ് സെവിയ്യയിൽ ഒപ്പുവെച്ചു. പ്രീമിയർ ലീഗിൽ നിന്ന് ഓഫർ ഉണ്ടായിരുന്നു എങ്കിലും താരം സ്പെയിനിൽ തന്നെ തുടരാൻ തീരുമാനിക്കുക ആയിരുന്നു.
കഴിഞ്ഞ മാസം റയൽ സോസിഡാഡുമായുള്ള യനുസായിന്റെ കരാർ അവസാനിച്ചിരുന്നു. 27 കാരനായ വിംഗർ അവസാന അഞ്ച് വർഷം സോസിഡാഡിന് ഒപ്പം ആയിരുന്നു. മുൻ മാഞ്ചസ്റ്റർ യുണൈറ്റഡ് വിംഗർ റയൽ സോസിഡാഡിനായി 168 മത്സരങ്ങളിൽ കളിച്ചു. 23 ഗോളുകൾ നേടുകയും 21 അസിസ്റ്റുകളും സോസിഡിനായി നേടിയ യനുസായ് അവർക്ക് ഒപ്പം കോപ്പ ഡെൽ റേ കിരീടവും നേടിയിട്ടുണ്ട്.
