മാഞ്ചസ്റ്റർ യുണൈറ്റഡിന്റെ ഏറ്റവും വലിയ ട്രാൻസ്ഫർ ലക്ഷ്യമായ സാഞ്ചോ യുണൈറ്റഡുമായി കരാർ അംഗീകരിച്ചതായി മാഞ്ചസ്റ്റർ യുണൈറ്റഡുമായി അടുത്ത വൃത്തങ്ങൾ റിപ്പോർട്ട് ചെയ്യുന്നു. മാഞ്ചസ്റ്റർ യുണൈറ്റഡും ചെൽസിയുമാണ് സാഞ്ചോയ്ക്ക് വേണ്ടി സജീവമായി രംഗത്തുള്ളത്. എന്നാൽ താരം യുണൈറ്റഡിലാണ് കൂടുതൽ താല്പര്യം കാണിക്കുന്നത് എന്നാണ് റിപ്പോർട്ടുകൾ.
മാഞ്ചസ്റ്റർ യുണൈറ്റഡ് വാഗ്ദാനം ചെയ്ത വർഷത്തിൽ 10 മില്യൺ വേതനം എന്ന കരാർ താരം വാക്കാൽ അംഗീകരിച്ചതായി ഇംഗ്ലീഷ് മാധ്യമങ്ങൾ റിപ്പോർട്ട് ചെയ്യുന്നു. താരത്തിന് ഒലെ ഗണ്ണാർ സോൾഷ്യാറിന്റെ പദ്ധതികൾ ബോധിച്ചതായും റിപ്പോർട്ടുണ്ട്. മാഞ്ചസ്റ്റർ യുണൈറ്റഡ് തങ്ങളുടെ ഇതിഹാസ ജേഴ്സി ആയ ഏഴാം നമ്പർ ജേഴ്സിയും സാഞ്ചോയ്ക്ക് വാഗ്ദാനം ചെയ്തിട്ടുണ്ട്. സാഞ്ചോയെ സ്വന്തമാക്കണമെങ്കിൽ ഡോർട്മുണ്ടിന് 110മില്യണു മുകളിൽ മാഞ്ചസ്റ്റർ യുണൈറ്റഡ് നൽകേണ്ടി വരും.
