റെന്നെസിനു വേണ്ടി ഈ സീസണിൽ ഗംഭീര പ്രകടനം നടത്തിയ ഫയിറ്റൗട്ട് മൊവാസയെ സ്വന്തമാക്കാൻ മാഞ്ചസ്റ്റർ യുണൈറ്റഡ് ശ്രമിക്കുന്നു. 21കാരനായ താരം ഈ സീസണിൽ റെന്നെസിനായി 34. മത്സരങ്ങൾ കളിച്ചിട്ടുണ്ട്. അവിടെ മൂന്ന് ഗോൾ നേടാനും രണ്ട് അസിസ്റ്റ് സംഭാവന ചെയ്യാനും മൊവാസയ്ക്ക് ആയിട്ടുണ്ട്‌. റെന്നസ് ഈ സീസൺ ഫ്രഞ്ച് ലീഗിൽ ഇപ്പോൾ മൂന്നാമത് നിൽക്കുന്നതിൽ മൊവാസയ്ക്കും പ്രധാന പങ്കുണ്ട്‌.
താരത്തിന് ഇനി ആകെ ഒരു വർഷത്തെ കരാർ മാത്രമെ ബാക്കിയുള്ളൂ. അതുകൊണ്ട് തന്നെ ചെറിയ തുകയ്ക്ക് മൊവാസയെ സ്വന്തമാക്കാൻ കഴിയും. അതാണ് യുണൈറ്റഡ് താരത്തെ വാങ്ങാൻ ശ്രമിക്കാൻ കാരണം. ഇപ്പോൾ ലെഫ്റ്റ് ബാക്കി ലൂക് ഷോയും, ബ്രാണ്ടൺ വില്യംസും ഉണ്ടെങ്കിലും കൂടുതൽ അറ്റാക്കിംഗ് മനോഭാവമുള്ള ലെഫ്റ്റ് ബാക്കിനെ യുണൈറ്റഡ് നോക്കുന്നുണ്ട്.
