റയൽ മാഡ്രിഡിന്റെ കൊളംബിയൻ താരം ഹാമസ് റോഡ്രിഗസ് താൻ ഈ വരും സീസണിൽ എവിടെയാകും കളിക്കുക എന്ന് ഉറപ്പില്ല എന്ന് ആവർത്തിച്ചു. ഇന്ന് കോപ അമേരിക്ക മത്സരത്തിനു ശേഷം സംസാരിക്കുകയായിരുന്നു ഹാമസ്. എവിടെ താൻ കളിക്കുൻ എന്ന് തനിക്ക് അറിയില്ല. കോപ അമേരിക്കയ്ക്ക് ശേഷം മാത്രമേ അത് ചിന്തിക്കുകയുള്ളൂ. ഹാമസ് പറഞ്ഞു.
എന്നാൽ നാപോളി തന്നെ സ്വന്തമാക്കാൻ വലിയ ശ്രമം തന്നെ നടത്തുന്നുണ്ട് എന്നും. ഒരു ക്ലബ് തന്നോട് ഇത്ര സ്നേഹം കാണിക്കുന്നതിൽ സന്തോഷമുണ്ട് എന്നും ഹാമസ് പറഞ്ഞു. ഇറ്റാലിയൻ ക്ലബായ നാപോളിയിലേക്ക് തന്നെ ആകും ഹാമസ് പോവുക എന്നാണ് ഫുട്ബോൾ നിരീക്ഷകർ വിലയിരുത്തുന്നത്. ഏകദേശം 40 മില്യണോളം ഹാമസിനു വേണ്ടി നാപോളി റയൽ മാഡ്രിഡിന് വാഗ്ദാനം ചെയ്തിട്ടുണ്ട്. ഈ തുക റയൽ അംഗീകരിക്കുകയാണെങ്കിൽ ട്രാൻസ്ഫർ നടക്കും.
