മുൻ മാഞ്ചസ്റ്റർ യുണൈറ്റഡ് സ്ട്രൈക്കർ ഇഗാളോയെ ന്യൂകാസിൽ സ്വന്തമാക്കിയേക്കും. ജനുവരിയിലെ ന്യൂകാസിലിന്റെ ആദ്യ സൈനിംഗ് ആയി ഇഗാളോ മാറും എന്നാണ് റിപ്പോർട്ടുകൾ. ഇഗാളോ ഇപ്പോൾ സൗദി അറേബ്യയിൽ അൽ ശബാബിനൊപ്പം ആണ് കളിക്കുന്നത്. താരത്തെ വിട്ടു നൽകാൻ അൽ ശവാവ് ഒരുക്കമാണ്.
ചൈനീസ് ക്ലബായ ഷാങ്ഹായ് ഷെൻഹുവയിലും മുമ്പ് ഇഗാളോ കളിച്ചിട്ടുണ്ട്. ഒരു വർഷത്തോളം ഇഗാലോ മാഞ്ചസ്റ്റർ യുണൈറ്റഡിൽ ലോൺ അടിസ്ഥാനത്തിൽ കളിച്ചിരുന്നു. മാഞ്ചസ്റ്റർ യുണൈറ്റഡിനായി 23 മത്സരങ്ങൾ കളിച്ച ഇഗാളോയ്ക്ക് 5 ഗോളുകൾ നേടാൻ ആയിരുന്നു. താരം മുമ്പ് പ്രീമിയർ ലീഗിൽ വാറ്റ്ഫോർഡിനായും കളിച്ചിട്ടുണ്ട്
