കഴിഞ്ഞ സീസണിൽ യുവന്റസ് തഴഞ്ഞ ഹിഗ്വയിൻ ഇത്തവണ യുവന്റസിൽ ഉണ്ടാകുമെന്ന സൂചന നൽകി യുവന്റസിന്റെ പുതിയ പരിശീലകൻ സാർ. ഇപ്പോൾ ഹിഗ്വയിൻ വെക്കേഷനിൽ ആണെന്നും അതു കഴിഞ്ഞ് താരവുമായി സംസാരിക്കും എന്ന് സാരി പറഞ്ഞു. ആരുടെ കൂടെയും ഏതു സിസ്റ്റത്തിലും കളിക്കാൻ കഴിവുള്ള താരമാണ് ഹിഗ്വയിൻ. ഫിറ്റ്നെസ് ഉണ്ടെങ്കിൽ മൂന്ന് നാലു വർഷം കൂടെ ഹിഗ്വയിന് മികച്ച കളിക്കാരനായി തുടരാം എന്നും സാരി പറഞ്ഞു.
കഴിഞ്ഞ സീസണിൽ റൊണാൾഡോ വന്നതിനാൽ മിലാനിലും ചെൽസിയിലുമായി ലോണടിസ്ഥാനത്തിൽ കളിക്കുകയായിരുന്നു ഹിഗ്വയിൻ. ലോൺ കഴിഞ്ഞ് തിരികെ യുവന്റസിൽ എത്തിയിരിക്കുകയാണ് ഇപ്പോൾ ഹിഗ്വയിൻ.
ഹിഗ്വയിൻ ഇറ്റലിയിൽ യുവന്റസിനല്ലാതെ ഒരു ക്ലബിനും ഇനി കളിക്കില്ല എന്ന് ഏജന്റ് നേരത്തെ അറിയിച്ചിരുന്നു. യുവന്റസിൽ ഇനിയും രണ്ട് വർഷം കരാർ ഹിഗ്വയിനുണ്ട്. സാരിക്കൊപ്പം മുമ്പ് നാപോളിയിൽ ഗോളടിച്ചു കൂട്ടിയ ചരിത്രം ഹിഗ്വയിനുണ്ട്.
