ഇറ്റാലിയൻ ഇതിഹാസ ഗോൾ കീപ്പറെ സ്വന്തമാക്കനുള്ള ശ്രമങ്ങക്കുമായി രണ്ട് ക്ലബുകൾ രംഗത്ത്. ഇംഗ്ലീഷ് കബായ ലീഡ്സ് യുണൈറ്റഡും പോർച്ചുഗീസ് ക്ലബായ പോർട്ടോയുമാണ് ബുഫണായി രംഗത്തുള്ളത്. ഈ സീസൺ അവസാനത്തോടെ പി എസ് ജി വിട്ട ബുഫൺ ഇനി ഏതു ക്ലബിലാകും കളിക്കുക എന്ന് വ്യക്തമാക്കിയിട്ടില്ല.
പോർട്ടോ ബുഫൺ വേണ്ടി വൻ ഓഫർ തന്നെയാണ് മുന്നോട്ട് വെച്ചിരിക്കുന്നത്. ഐകർ കസിയസ് ഉടൻ വിരമിക്കും എന്നതിനാലാണ് അത്രയും പരിചയസമ്പത്തുള്ള ബുഫണെ പകരക്കാരനായി കൊണ്ടു വരാൻ പോർട്ടോ ശ്രമിക്കുന്നത്. ലീഡ്സ് ആകട്ടെ എങ്ങനെ എങ്കിലും ചാമ്പ്യൻഷിപ്പ് കടമ്പ കടക്കണം എന്ന് ഉറച്ചാണ് മുന്നോട്ട് പോകുന്നത്. ബുഫൺ അടക്കം പല പ്രമുഖരെയും ലീഡ്സ് ടീമിലെത്തിക്കാൻ ശ്രമിക്കുന്നുണ്ട്‌.
