നാളെ എഫ് എ കപ്പ് ഫൈനലിൽ മാഞ്ചസ്റ്റർ സിറ്റിയെ നേരിടാൻ ഒരുങ്ങുകയാണ് മാഞ്ചസ്റ്റർ യുണൈറ്റഡ്. വെംബ്ലിയിൽ നടക്കുന്ന ഫൈനലിൽ കിരീടം തന്നെയാണ് ലക്ഷ്യം എന്ന് മാഞ്ചസ്റ്റർ യുണൈറ്റഡ് പരിശീകൻ ടെൻ ഹാഗ് പറഞ്ഞു. സിറ്റിയെ ട്രെബിൾ കിരീടത്തിൽ നിന്ന് തടയുക എന്നതല്ല നമ്മൾ കിരീടം നേടുക എന്നതാണ് ടീമിന്റെ പ്ലാൻ.ടെൻ ഹാഗ് പറഞ്ഞു.
“ഞങ്ങൾക്ക് ഒരു കപ്പ് നേടണം, അത് സിറ്റിയെ തടയുക എന്ന ലക്ഷ്യത്തിൽ അല്ല, ഞങ്ങൾ കപ്പ് നേടുകയാണ് പ്രധാനം, ഇതൊരു മികച്ച അവസരമാണ്. ഒരു കപ്പ് ഫൈനലിലെത്താനും മാൻ സിറ്റിയെ ഫൈനലിൽ നേരിടുന്നു എന്നതും വലിയ കാര്യമാണ്” ടെൻ ഹാഗ് പറഞ്ഞു.
“അവർ വളരെ നല്ല ജോലി ചെയ്യുന്നുവെന്ന് ഞാൻ കരുതുന്നു. അവർ വളരെ നല്ല ഫുട്ബോൾ കളിക്കുന്നു, അവർ പ്രശംസകൾ എല്ലാം അർഹിക്കുന്നു.” അദ്ദേഹം പറഞ്ഞു.
“ഞങ്ങൾക്ക് ഒരു നല്ല സീസൺ ആയിരുന്നു ഇത് എന്ന് ഞാൻ കരുതുന്നു, ഇത് നല്ല സീസണെ വളരെ നല്ല സീസണാക്കി മാറ്റാനുള്ള അവസരമാണ്.” ടെൻ ഹാഗ് കൂട്ടിച്ചേർത്തു.
