പുതിയ സീസൺ കിരീടവുമായി തുടങ്ങിയിരികുകയാണ് റയൽ മാഡ്രിഡ്. ഇന്ന് നടന്ന യുവേഫ സൂപ്പർ കപ്പ് പോരാട്ടത്തിൽ യൂറോപ്പ ലീഗ് ചാമ്പ്യന്മാരായ ഫ്രാങ്ക്ഫർടിനെ പരാജയപ്പെടുത്താൻ റയൽ മാഡ്രിഡിനായി. ഹെൽസിങ്കിയിൽ നടന്ന പോരാട്ടത്തിൽ എതിരില്ലാത്ത രണ്ടു ഗോളുകളുടെ വിജയമാണ് റയൽ മാഡ്രിഡ് നേടിയത്‌. റയൽ മാഡ്രിഡിന്റെ നാലാം യുവേഫ സൂപ്പർ കപ്പ് കിരീടമാണിത്.
ഇന്ന് ഫ്രാങ്ക്ഫർടിനായിരുന്നു നല്ല തുടക്കം ലഭിച്ചത്. അവർ നല്ല അവസരങ്ങളും സൃഷ്ടിച്ചു. എന്നാൽ കോർത്തോയുടെ രണ്ട് മികച്ച സേവുകൾ കളി ഗോൾ രഹിതമായി നിർത്തി. മറുവശത്ത് വിനീഷ്യസിനും അവസരം കിട്ടി എങ്കിലും ആദ്യ ഗോൾ വന്നില്ല. 37ആം മിനുട്ടിലൊരു കോർണറിൽ നിന്നാണ് റയൽ മാഡ്രിഡ് ലീഡ് എടുത്തത്. അലാബ ആയിരുന്നു സ്കോർ. പെനാൾട്ടി ബോക്സിൽ രണ്ട് ഹെഡറുകൾ കഴിഞ്ഞായിരുന്നു അലാബയുടെ ഫിനിഷ്ങ് ടച്ച് വന്നത്.
ഈ ഗോളിന്റെ ബലത്തിൽ റയൽ മാഡ്രിഡ് ആദ്യ പകുതി 1-0ന്റെ ലീഡിൽ അവസാനിപ്പിച്ചു. രണ്ടാം പകുതിയിൽ റയൽ മാഡ്രിഡ് കൂടുതൽ അറ്റാക്കുകൾ നടത്തി. വിനീഷ്യസിലൂടെയും കസമേറീയിലൂടെയും റയൽ മാഡ്രിഡ് രണ്ടാം ഗോളിന് അടുത്ത് എത്തിച്ചു. 65ആം മിനുട്ടിൽ ബെൻസീമയിലൂടെ ആയിരുന്നു റയലിന്റെ രണ്ടാം ഗോൾ വന്നത്. വിനീഷ്യസിന്റെ പാസിൽ നിന്നായിരുന്നു ബെൻസീമയുടെ ഫിനിഷ്. ഈ ഗോൾ റയൽ മാഡ്രിഡിന് വിജയവും കിരീടവുൻ ഉറപ്പു നൽകി.
Story Highlight: Real Madrid adds yet another piece of silverware to their trophy case, taking the 2022 Super Cup 2-0 over Eintracht.
