സൂപ്പർ കപ്പ് ഗ്രൂപ്പ് ഘട്ടത്തിൽ ബെംഗളൂരു എഫ് സിക്ക് ആദ്യ വിജയം. ഇന്ന് ഐ ലീഗ് ചാമ്പ്യന്മാരായ റൗണ്ട് ഗ്ലാസ് പഞ്ചാബിനെ എതിരില്ലാത്ത രണ്ടു ഗോളുകൾക്കാണ് ബെംഗളൂരു തോൽപ്പിച്ചത്. രണ്ടു ഗോളുകളും രണ്ടാം പകുതിയിലാണ് വന്നത്. ഈ വിജയത്തോടെ ബെംഗളൂരു എഫ് സി നാലു പോയിന്റുമായി ശ്രീനിധിക്ക് ഒപ്പം ഗ്രൂപ്പിൽ ഒന്നാമത് എത്തി. കേരള ബ്ലാസ്റ്റേഴ്സ് ഇതോടെ മൂന്നാം സ്ഥാനത്തേക്ക് താഴുകയും ചെയ്തു.
66 ആം മിനുട്ടിൽ ഉദാന്ത് സിംഗ്‌ ബാംഗ്ളൂരുവിനെ മുന്നിലെത്തിച്ചു. കളിയുടെ അവസാന നിമിഷം ഹാവി ഹെർണാണ്ടസ് പെനാൽറ്റി കിക്കിലൂടെ ബെംഗളൂരുവിന്റെ രണ്ടാം ഗോളും നേടി. രണ്ട് കളിയിലും തോറ്റ പഞ്ചാബ് പോയിന്റ് പട്ടികയിൽ അവസാനത്താണ്.
അടുത്ത മത്സരത്തിൽ ബാംഗ്ളൂരുവിന് കേരള ബ്ലാസ്റ്റേഴ്സ് ആണ് എതിരാളികൾ. റൗണ്ട് ഗ്ലാസ്സ് പഞ്ചാബിന് ശ്രീനിധി ഡെക്കാനും.
