സൂപ്പർ കപ്പ് കേരള ബ്ലാസ്റ്റേഴ്സ് ടീമിൽ പെകൂസൺ ഇല്ല, യുവ കീപ്പർ ആയുഷിന് അവസരം

സൂപ്പർ കപ്പിൽ ഇന്ന് ഇറങ്ങുന്ന കേരള ബ്ലാസ്റ്റേഴ്സ് ടീമിൽ നിന്ന് വിദേശ താരം കറേജ് പെകൂസണെ ഒഴിവാക്കി. ഒരു ടീമിന് ആറ് വിദേശ താരങ്ങളെ മാത്രമെ സ്ക്വാഡിൽ രജിസ്റ്റർ ചെയ്യാൻ സാധിക്കുകയുള്ളൂ. അതാണ് പെകൂസണ് വിനയായത്. ഡിഫൻഡർമാരായ സിറിൽ കാലി, ലാകിച് പെസിച്, മധ്യനിര താരം നികോള, കിസിറ്റോ, അറ്റാക്കിംഗ് താരങ്ങളായ സ്റ്റഹാനോവിച്, പൊപ്ലാനിക് എന്നിവരാണ് വിദേശ താരങ്ങളായി സ്ക്വാഡിക് രജിസ്റ്റർ ചെയ്യപ്പെട്ടത്.

യുവ ഗോൾ കീപ്പറായ ആയുഷ് ദാസ് ആദ്യമായി കേരള ബ്ലാസ്റ്റേഴ്സ് സീനിയർ ടീമിൽ എത്തുകയും ചെയ്തു. മൂന്നാം ഗോൾകീപ്പറായാണ് ആയുഷ് ദാസിനെ ടീമിൽ ഉൾപ്പെടുത്തിയിരിക്കുന്നത്. കേരള ബ്ലാസ്റ്റേഴ്സിന്റെ അണ്ടർ 18 ടീമിലെ താരമായിരുന്നു ആയുഷ് ദാസ്. ഇന്ന് രാത്രി ഇന്ത്യൻ ആരോസിനെതിരെ ആണ് കേരള ബ്ലാസ്റ്റേഴ്സിന്റെ മത്സരം. ഇന്ന് വിജയിച്ചാൽ മാത്രമേ സൂപ്പർ കപ്പിന് യോഗ്യത നേടാൻ കേരള ബ്ലാസ്റ്റേഴ്സിനാവുകയുള്ളൂ.