കലിംഗ സൂപ്പർ കപ്പിൽ മുംബൈ സിറ്റിക്ക് രണ്ടാം വിജയം. യുവതാരം ആയുഷിന്റെ മികവിലാണ് മുംബൈ സിറ്റി വിജയിച്ചത്. ഇന്ന് പഞ്ചാബ് എഫ് സിയെ നേരിട്ട മുംബൈ സിറ്റി രണ്ടിനെതിരെ മൂന്നു ഗോളുകൾക്കാണ് വിജയിച്ചത് കഴിഞ്ഞ മത്സരത്തിൽ തുടക്കത്തിൽ ഒരു ഗോളിന് പിറകെട്ട് ശേഷമാണ് മുംബൈ വിജയിച്ചു കയറിയത്.
പഞ്ചാബ് 28ആം മിനുട്ടിൽ ലൂക്കയുടെ ഗോളിലൂടെ ആണ് ലീഡ് നേടിയത്. ഈ ഗോളിന് 37 മിനിറ്റിൽ യുവതാരം ആയുഷ് മറുപടി നൽകി. കഴിഞ്ഞ മത്സരത്തിലും ആയുഷ് ഗോൾ നേടിയിരുന്നു. രണ്ടാം പകുതിയുടെ തുടക്കത്തിൽ ആയുഷ് വീണ്ടും ഗോൾ നേടി. ഇതോടെ മുംബൈ 2-1ന് മുന്നിലെത്തി. പക്ഷേ കളി കൈവിടാൻ പഞ്ചാബ് ഒരുക്കമായിരുന്നില്ല. അവർ ശക്തമായി സമനില ഗോളിന് ശ്രമിച്ചു. അവസാനം ലൂക്ക തന്നെ അവർക്ക് സമനില നേടിക്കൊടുത്തു. 88ആം മിനുട്ടിലായിരുന്നു ലൂകയുടെ ഫിനിഷ്. സ്കോർ 2-2
പക്ഷെ പക്ഷെ അവസാനം മുംബൈ സിറ്റി തന്നെ ജയിച്ചു. ഇഞ്ച്വറി ടൈമിൽ അവരുടെ വിജയ ഗോൾ വന്നു. യുവതാരം സെയ്ലന്താംഗ് ആണ് വിജയ ഗോൾ നേടിയത്. 2 മത്സരങ്ങളിൽ നിന്ന് 6 പോയിന്റുമായി മുംബൈ സിറ്റി ഗ്രൂപ്പിൽ ഒന്നാമത് നിൽക്കുന്നു.
