ഹൈദരബാദ് എഫ് സിയെ ഒന്നിനെതിരെ രണ്ടു ഗോളുകൾക്ക് തോൽപ്പിച്ച് ഒഡീഷ എഫ് സി സെമി ഫൈനൽ ഉറപ്പിച്ചു. ഇന്ന് തുടക്കത്തിൽ ലീഡ് എടുത്ത ശേഷമാണ് ഒഡീഷ പരാജയപ്പെട്ടത്. 11 ആം മിനുട്ടിൽ ബോർജ ഹരേര വലത് വിങ്ങിൽ നിന്നും കൊടുത്ത ഒന്നാന്തരം ക്രോസ്സ് ജാവിയർ സിവേരിയോ ഹെഡ് ചെയ്ത് ഗോളാക്കിയതോടെ ആണ് ഹൈദരാബാദ് ലീഡ് എടുത്തത്. രണ്ടാം പകുതിയിൽ ആണ് ഒഡീഷ തിരിച്ചടിച്ചത്.
54 ആം മിനുട്ടിൽ കോർണർ കിക്കിൽ നിന്നും ഹൈദരാബാദ് ബോക്സിൽ ഉണ്ടായ കൂട്ട പൊരിച്ചിലിനിടയിൽ ഡീഗൊ മൗറിസിയോ പന്ത് വലയിലാക്കി ഒഡിഷക്ക് വിലപ്പെട്ട സമനില ഗോൾ നേടി കൊടുത്തു. 59 ആം മിനുട്ടിൽ മുഹമ്മദ്‌ യാസിർ വലത് വിങ്ങിൽ നിന്നും തൊടുത്ത ഒന്നാന്തരം കിക്ക് ഒഡിഷ ഗോൾ പോസ്റ്റിന് തൊട്ടുരുമ്മി പോയി. 86 ആം മിനുട്ടിൽ മൗറിസിയോ പ്രതിരോധ താരത്തിന്റെ കാലിനിടയിലൂടെ നൽകിയ ഒന്നാന്തരം പാസ്സിൽ വിക്ട്ടർ റോഡ്രിഗസ് പന്ത് വലയിലാക്കി ഒഡിഷയെ വിജയത്തിലെത്തിച്ചു.
സ്കോർ 1-2.
ഇതോടെ മൂന്ന് കളിയിൽ നിന്ന് രണ്ട് ജയവും ഒരു സമനിലയുമടക്കം ഏഴ് പോയിന്റോട് കൂടി ഒഡിഷ ഗ്രൂപ്പ് ബിയിൽ നിന്നും സെമിയിലേക്ക് പ്രവേശിച്ചു.
ഒരു ജയവും ഒരു സമനിലയും ഒരു തോൽവിയുമടക്കം നാല് പോയിന്റോടെ ഹൈദരാബാദ് രണ്ടാം സ്ഥാനത്ത് ഫിനിഷ് ചെയ്തു. ഒഡിഷ സെമിയിൽ ഗ്രൂപ്പ് ഡിയിലെ ഒന്നാം സ്ഥാനക്കാരോട് ഏറ്റ് മുട്ടും .മഞ്ചേരി പയ്യനാട് സ്റ്റേഡിയത്തിൽ 22 ആം തിയതിയാണ് മത്സരം
